طريقة التحويل عن طريق ويسترن يونيون من المالديف الي اي دولة

طريقة التحويل عن طريق ويسترن يونيون

اولا كل الشكر للدكتور أمجد تمراز اللي ساهم بشكل كبير جدا في الموضوع والدكتور هيثم اللي شجعني اني اخلص البوست
طريقة التحويل عن طريق ويسترن يونيون من المالديف الي اي دولة


 
1- هتدخل على الرابط ده https://maldives.wu.com/send_money وتفتح اكونت جديد بالضغط على register برقم تليفونك وايميلك
2- هتنتظر منهم يكلموك على الفايبر ( في خلال نص ساعه لساعه لو بتكلمهم بالنهار او بالليل بس يكون قبل الساعة عشره) او ممكن انت تبعت لهم على الرقم بتاعهم اللي في (الصوره رقم 1) تقولهم عاوز افعل الحساب
3- هيطلبوا منك صورة الباسبور وصورة الورك بيرمت وهيفعلوا الاكونت... كده تقدر تبعت لأي بلد متوفر فيها ويسترن يونيون

4- مرحلة التحويل:

  • - مبدأيا التحويل بيتم ويوصل مصر في نفس اليوم او في اليوم اللي بعده بالكتير
  • - المبلغ بيوصل للشخص و يستلمه من اي فرع ويسترن في مصر بالبطاقة فقط أو الباسبور وانت بتحدد هيستلمه بالمصري او الدولار (ولكن بالدولار افضل) والعموله على كل الف 35 دولار وتقدر تدخل على الرابط اللي فوق وتكتب المبلغ اللي عاوز تحوله وهيطلعلك العموله وكمان سعر تحويل العمله لو حابب الاستلام يكون بالمصري (سعر التحويل انهارده 16.46) وبره حوالي 16.51
  • - الحد الأقصى لكل عمليه تحويل 3000 دولار وممكن تبعت كذا مره في نفس اليوم
  • - كمان تقدر تبعت على حساب بنكي في مصر بس الفلوس هتوصل بالمصري
  • - هتبعت الفلوس لفرع ويسترن هنا بالدولار فقط وليس بالروفيه

فيه طريقتين للتحويل أو الدفع هنا:

  1. الأولي وهي الاحسن ومصاريف اقل اللي هي bank transfer واللي زي ماقولنا بتاخد من يوم ليومين والتحويل بيتم وانت في جزيرتك عن طريق النت واللي هنشرحها تحت (لسه محول انهارده الحواله وصلت بعد ربع ساعه)
  2. التانيه اللي هي pay by cash at WU هتروح فرع ويسترن بصورة من جواز السفر والورك بيرميت وتجري عملية التحويل واللي بتوصل في نفس اللحظة بس المصاريف اعلى كتير (منصحش بيها - اعتبرها مش موجوده عشان متتوهش)

5- خطوات التحويل

  • هتدخل على الاكونت بتاعك المفعل وتضغط على send money وهتدخل:
أ. اسم المستلم في مصر ثلاثي بالانجليزي زي ما مكتوب في الباسبور لو هيستلم بالباسبور او نفس التهجئه لو هيستلم بالبطاقة (ممكن تكتب احمد مثلا Ahmad او Ahmed ) مش فارقه طالما مش هيستلم باسبور
ب. سبب التحويل:في الغالب money for family
ج. مصدر الفلوس: طبعا تكتب salary
د. المبلغ اللي عاوز تحوله وليكن 1000 دولار هتلاقيه ضاف ليهم العموله وظهر لك ان الإجمالي 1035 وتكمل الإرسال. (صوره 2)
ه. رقم تليفون الشخص المستلم
  • هتلاقي ظهرلك رقم reference number هتاخده وتروح على حسابك في BML وتبعت المبلغ الإجمالي على الحساب الدولاري لويسترن يونيون ومتنساش تضيف في خانة الremark وانت بتحول الرقم اللي بعتوه لك وانت بتكمل الطلب في الخطوه اللي فاتت اللي قولنا عليه reference NUMBER - رقم حساب ويسترن(صورة 3)

كده الدولارات وصلت لويسترن يونيون هنا في المالديف وهتلاقيهم كلموك علطول عالفايبر يطلبوا منك صورة التحويل او انت ابعتلهم صورة التحويل مع ref. number...
  • بعد شويه (يوم او يومين زي ما هما كاتبين) وفي الغالب بعدها علطول في نفس اليوم هتلاقي الطلب بتاع التحويل اتوافق عليه وظهر لك رقم MTCN (صورة 4)
مبروك... كده الحواله وصلت مصر بالسلامة

طرق الاستلام

على حسب انت باعت ازاي...الفلوس هتوصل وفيه طريقتين للاستلام
  1. الاستلام من فرع ويسترن By cash at WU - هتبعت رقم MTCN للشخص المستلم ويروح ببطاقته (الساريه خلي بالك) أو الباسبور ويستلم الحواله وهو واقف بالدولار أو بالمصري على حسب العملة اللي انت محددها وانت بتبعت.
  2. الاستلام عن طريق الحساب البنكي والفلوس هتوصل بالمصري فقط في خلال 2-5 ايام عمل وهيتخصم نفس العموله 35 دولار لكل 1000
- فروع ويسترن منتشره في كل مكان في مصر تقريبا وشغالين لحد الساعه سته مساءا والفروع الكبيره شغاله لحد 9 مساءا وتقدر تستلم فلوسك من اي فرع (يفضل البحث عن اقرب فرع ومعرفة مواعيد العمل) أو الاتصال برقم البنك 19190 والاستفسار
- تقدر تدخل على الرابط الأول وتدخل المبلغ اللي عاوز تحوله وتشوف المصاريف كام لأي بلد حتى لو معندكش حساب
 
 من احمد رزة 

Share on Google Plus

About محمد يونس الغادي

نهتم بالتدوين العربي ، ومتابعة آخر الأخبار والأناشيد وجديد النتائج والاذاعات المدرسية التى تهم الطالب / والمناهج - ننشر المناسبات والصور واتس اب وتواصل اجتماعي - نكون الاسرع والأقرب في نشر الخبر
تعليقات فيسبوك
0 تعليقات الموقع

0 التعليقات:

إرسال تعليق

أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..