صباحك سفندي عليه برتقان .. صباح للافندي بتاع الحنان

لقصيدة اللي ف اخر الفيديو 😉
صباحك سفندي عليه برتقان .. صباح للافندي بتاع الحنان
بتاع نور عنينا وصبح علينا .. ويبني ف قصوره عشان المدام
بيسرق ف قوتي ويكتملي صوتي .. وشهادة وفاتي ضريبة كلام


بلادي يا غالية ف عين الأعادي .. يابخساني حقي وسجنه ولادي .. ونسياني جدا .. وعارفه اللي ركبك ونهبك حمار
حديد ويا نار وخوفك شعار .. فعاقد يرفس وفارض حصار
شبابك معجز وقبل الآوان .. بينحت ف صخرك بذل وهوان
وبايع هدومه وبالع همومه .. عشان يقضي يومه ويدوبك يعيش .. ولكن مفيش
جناب الشويش رح مطلع قرار .. حياتك يا فندم حياة بالإيجار
تجوع ماشي قشطة تأجر رغيف .. مفيش يبقى بردو مفيش عندي دار
دي مش ملك ده انت يادوب فيها ضيف .. ولو يوم هتيأس دواك الإنتحار

إرسال تعليق

0 تعليقات